Bambini waren zu Bastenduerf an haten do vill Spaass.

Pupilles I hunn géint Rammerëch gespillt: ganz schnell stoung et fir 5-0, duerno ass probéiert ginn vill Passen ze maachen, wat am Endeffekt gutt emgesat gouf. Um Enn gewanne sie héich mat 17-2. Pupilles II hunn géint Dikkrech II gespillt: no engem flotte Match huet d’Ekipp sech selwer mat engem Resultat vu 18-7 belount. Pupilles III hunn doheem géint Brouch III gespillt a souverän 14-4 gewonn! D’Resultat war och an däer Héicht ganz verdéngt.

Fillettes verléiere 2-6 géint ee staarke Géigner vun Ell: no 20 Minutte stoung et 1-1, no 40 2-4 an duerno hunn Meedercher leider bësse de Kapp hänke gelooss an esou konnt Ell nach 2 Goler schéissen. Insgesamt war et ee ganz faire Match.

Poussins I hunn de Sonndeg Moie géint d‘ENT Aterdaul gespillt. Si sinn perfekt an de Match gestart an hunn dat ëmgesat wat si sëch virgeholl haten: d‘Spill vun hannen propper opzebauen an nozeréckelen. Nom 1. Drëttel stoung et 4-1. Dono huet de Géigner ëmgestallt a quasi exklusiv mat laangen héiche Bäll no vir gespillt mat deene mir eis Schwieregkeeten haten. No engem ganz interessanten an intensive Match hu mir ganz knapps 6-7 verluer.

Minimes I gewannen zu Housen mat 4-1. Allerdéngs hunn Spiller sech awer schweier gedoen fir propper no vir ze spillen an den Housener Goalkeeper hat ee ganz gudden Daag, haat soss wier Resultat secherlëch méi daitlëch ausgefall. Minimes II verléiere géint eng spillerech vill méi staark Bastenduerfer Equipe mat 0:4. D‘Ekipp huet et nët wirkech fäerdëg bruecht, de Ball an den eegene Reihen laafen ze loossen an d‘Spill breet ze maachen. Ze oft gouf de Ball einfach no viir geschoss. Flott war et awer ze gesin, dass bis zum Schluss gekämpft gouf a sie als Ekipp opgetrueden sinn.

D’Jeunes Filles hunn leider 2 Défaite encaisséiert : 1-14 verléiert déi 2. Ekipp géint Housen II an 1-2 déi 1. Ekipp géint Bissen II:

Scolaires verléiere 6-0 géint eng offensiv staark Hesper Equipe. Déi 1. Halschent gouf kompakt vertéidegt (1-0), mee déi 2. waren Spiller ze passiv.

Cadets gin mat 12 Leit op Housen an brengen 1 Punkt mat Heem. Et war ee flotten an erkämpften Match mat villen Highlights. No 45 Minutte stoung ee 2:1 fir eis. No der Paus huet Housen méi gedréckt an mir hun ze vill nogekuckt, doduercher stoung et zimlech séier 3:2 fir Housen. An der letzter Aktion schéisse mir den Ausgläich zum 3:3. Et war een gerechten Resultat fir béid Ekippen.